مجله عالم الدواجن
شركةGERMAN TECH

رئيس مجلس الادارة و رئيس التحرير : ماهر الخضيري
أسعار الفراخ في البورصة الرئيسية اليوم: بلغت أسعار الدواجن اليوم بالبورصة الرئيسية، نحو 96 جنيها للكيلو. أسعار الفراخ اليوم الساسو -البلدي -البيضاء: وتراوحت لحم أمهات الدواجن البيضاء بين 89 جنيها للكيلو والدواجن البلدي سعر 133 جنيهًا، بينما البط البلدي وصل إلى 150 جنيهًا.  ‏سعر البانية اليوم:  بينما بلغ سعر الكتكوت الأبيض بين 25 - 33 جنيها، والكتكوت «ساسو» 11 - 12 جنيها، ولامس سعر البانية نحو  250 -270 جنيهًا. أسعار البيض اليوم: ووصل سعر البيض الأبيض 150 جنيها للكرتونة ويصل السعر للمستهلك 160 جنيهًا، وسعر البيض الأحمر 151 جنيهًا للكرتونة، ويصل إلى المستهلك 162 جنيهًا والبيض البلدي بين 160 جنيهًا للكرتونة ويصل للمستهلك بـ 170 جنيهًا. أسعار الدواجن المجمدة اليوم: بلغ سعر الدواجن المجمدة 100 جنيه في المزرعة و105 جنيهات للمستهلك عالم الدواجن

تقييم المرض أساس العلاج

2020-11-22 12:34:33

تقييم المرض أساس العلاج

 

ESCHERICHIA COLI
المسبب بكتريا الإى كولاى

بكتريا سالبة الجرام لاهوائية

تسكن فى الثلث الأخير من الأمعاء

تصنف بكتريا انتهازية saprofetic bacteria

 

===أنواعها

 

أقرأ المزيد حول صناعة الدواجن بعد الكورونا

نقدر نقسمها من حيث الضراوة إلى نوعين

- نوع من الكولاى متعايش داخل الأمعاء بيصل تركيزة الى 10 مليون لكل جرام من القناة الهضمية شغال ك بروبيوتيك او بكتيريا نافعة بتنافس البكتيريا المرضية على المستقبلات والغذاء وبتفرز مواد مفيدة للجسم

- النوع الثاني بكتيريا كولاى مرضية ودى اللى بتدخل الجسم اما عن طريق البلع ودى بتصيب الجهاز الهضمى وتعمل اسهالات واحيانا تدخل مع التنفس ودى تصيب الجهاز التنفسى وتستقر فى الرئة

النوع المرضى له أشكال كثيرة مثل *التهاب سرة مع السالمونيلا والإستافيلوكوكس

*التهاب قناة البيض

*الكولاى الحبيبى

*المرض التنفسى المزمن CRD مع الميكوبلازما

 

طيب نقدر نقسمها تقسيمة اخرى

وهى التقسيمة المناعية او الانتيجينية

ودى بتكون على حسب البروتين الانتى جينى على سطح الميكروب

-الجروب الأول 157 نوع من ال somatic lipopolysaccharide وبيرمز لة ب الرمز O

مثلا كولاى O1 او O2 او O78

-الجروب الثانى 80 نوع كبسولى او capsular وبيرمز لة بالرمز K

-الجروب الثالث 56 نوع هدبى او سوطى flagellar وبيرمز لة بالرمز H

كل نوع لة طريقة فى دخول الجسم وطريقه فى تكوين المناعات

الأخطر من ذلك ممكن يحصل خلط بين الانواع السابقة ويخرج ميكروب جديد وصل الانواع بعض الخلط الى 50 الى 100 الف نوع من الكولاى

زى الانواع دى O1:K1:H7, O2:K1:H5 and O78:H9

رقم صعب تحت الدراسة........

ومن هنا يجى اهميه اختبار الحساسية لاختيار افضل نتيجة مضاد حيوي

لذلك التوصيف العشوائى قد يصيب أو يخطأ

 

 

=== الامراضية pathogenesis

يعنى ازاى بيدخل المرض

-اول حاجة هل المرض ممكن يتنقل راسى من الام ؟؟

الإجابة نعم بنسبة قليلة

وده كان رأى عالم اسمة أولسن

-اصابة مكتسبة Acquired

دخول البكتريا من خلال القناة الهضمية أو التنفسية

-حدوث خلل أو إجهاد يؤدى إلى تحور البكتريا داخل الأمعاء إلى الممرضة لذلك هى بكتريا انتهازية

 

=== مسارات العدوى Pathway

مع دخول الكولاى الجسم سواء القناة الهضمية او القناة التنفسية يبدأ إلتطاق

بمعنى اول نوع من اسلحة الكولاى بروتينات الالتطاق

بتكون عن طريق خيوط او اهداب او اسواط على سطح الكولاى

هى السبب فى التصاق الميكروب ب جدار الخلايا

هناك 3 أنواع من الاهداب دى

-النوع الأول F1 fimbriae

النوع دا هو اللى مقوى الكولاى جدا مش بس لانة السبب فى الالتطاق ب خلية الطير التنفسية لا دا كمان محتوى على جينات فى قمتة قادرة على محاورة ومراوغة والاختباء من الخلايا المناعية

علشان كدا خلايا الميكروفاج مش بتشوفها ولا بتعمل لها عملية بلعمة

ودا السبب اللى يخلى المرض دا يحصل فى الدورة اكثر من مرة والجهاز المناعى لا يتعرف علية

- النوع الثانى P fimbriae

ودى 30 من الكولاى محتوية على النوع دا

وكلا النوعين سواء F1 fimbriae او P fimbriae

بيحبو جدا الجهاز التنفسى للطير وبيدخل مع التراب المعلق فى العنبر ف تلاقى بيعمل طشمة والتهاب فى العين وبيعمل التهاب فى الاكياس الهوائية والرئة

- النوع الثالث Curli fimbriae

النوع ده اقل فى الضراوة وأضعف فى الإلتصاق

 

=== الضراوة virulence

أهم نقطه هى Iron Acquisition

ودى احد ادوات الكولاى علشان يعيش ويكون أكثر ضراوة

طيب اية ال Iron Acquisition

صعب الكولاى يعيش او يكون ضارى ويعمل خساير الا اذا اكتسب او حصل على ذرات او عنصر الحديد

عنصر الحديد بيمثل للبكتيريا كل حاجة فهو

شرط أساسي لمعظم مسارات التمثيل الغذائي فى خلية البكتيريا

كمان هام جدا فى تخليق البروتين النووى للبكتيريا

لدرجة ان لو فية نقص فى الحديد فى بيئة البكتيريا ف ممكن تخلى بروتينات معينة تحمى جزئيات الحديد القليلة زى (transferrin or lactoferrin)

دول بيشيلو جزئيات الحديد علشان الكولاى يعيش

وممكن ياخد الحديد بتاعة من بروتين الهيم نفسة الموجود فى الدم

طيب ودى هتمثل لنا اية ؟؟........

 

محتوى ماء الشرب من الحديد يجب لا تزيد عن 0.3 الى 0.5 جزء فى المليون

لو زاد عن كدا

فحضرتك بتعطية هدية ل بكتيريا الكولاى علشان تكمل دورة حياتها!!!!

 

مشكله أخرى

وهى الكولاى دخلت الجسم ف بتفرز سموم زى إيه؟؟

- سموم ال heat-labile enterotoxin

دا طريقة افرازة عجيبة وطويلة ومعقدة لكن خلاصتة ان الحرارة العالية بتقلل منة علشان كدا تلاقى الكولاى المفرز للسم دا بينشط اكثر لما العنبر يبرد منك

- سموم ال shiga toxin/verotoxin

سم تانى خطير جدا وهو السبب فى حدوث اسهال دموى اول اسبوع والمربى يعتقد انة كوكسيديا فى حين استحالة حدوث الكوكسيديا فى الاسبوع دا

سم ال فيروتوكسين دا المكان المفضل لة جدار الشعيرات الدموية فى القناة الهضمية

 

===نقطة أخيرة

فى عالم قلب موازين المجال كلة اسمة بيترسون

قال ان جين المناعة لمضاد حيوى معين ممكن يتنقل من الام الى الكتكوت

ف عمل تجربة عن جين واخد مناعة من عائلة الفلوروكينولونز إلى هى عائلة الانرو والسبرو والداى فلوكساسين ولوحظ ب تقنيات معينة ان الجين دا اتنقل للكتكوت

يعنى بكل اسف لو الامهات استعملت مضاد حيوى معين ووصلت الى حد ان الميكروب يكون منة مناعة ف الكتاكيت اللى جاية من الام دى مش هتستجيب للمضاد دا اثناء فترة التسمين

لذالك لابد من الحرص فى جرعات المضادات الحيوية فى قطعان الأمهات حتى لا يجبر قطعان التسمين على استعمال جرعات معينه من المضاد الحيويه

د/ محمد عيد 

أخصائى أمراض الدواجن

 






الاسم
البريد الالكترونى
التعليق
كود التحقق

جميع حقوق النشر محفوظة لدى مؤسسة عالم الدواجن

Powered By ebda3-eg.com